Մշակվել է անվտանգ հեմոդիալիզի նոր մեթոդ

Երիկամային ծանր անբավարարությամբ տառապող անձինք չեն կարող ապրել առանց հեմոդիալիզի: Հեմոդիալիզն  հղի է բազմաթիվ բարդություններով: Բարդություններից առավել տարածվածը մանրէային ինֆեկցիայի զարգացումն է, որը պացիենտի օրգանիզմ է թափանցում կաթետերի միջոցով:

Ակնհայտ է, որ մանրէային վարակումը հնարավոր է կանխարգելել հակաբիոտիկների օգնությամբ: Սակայն, հեմոդիալիզի ժամանակ համակարգային հակաբիոտիկների օգտագործումն անհնար է, քանի որ առկա է տվյալ պատրաստուկի նկատմամբ դիմադրողականության (ռեզիստենտության) զարգացման բարձր ռիսկ և, հետևաբար, զարգացող ինֆեկցիայի բուժումն էլ  բարդանում է:

Այս տարվա սեպտեմբերին հրապարակվել են Նեֆրոլոգիայի ամերիկյան ասոցիացիայի անցկացրած հետազոտությունների արդյունքները, համաձայն որոնց, հեմոդիալիզի դեպքում մանրէային ինֆեկցիաներով վարակումը կարելի է կանխարգելել այնպիսի հակաբիոտիկների օգնությամբ, որոնք չեն կիրառվում լուրջ հիվանդությունների բուժման համար:

Հեմոդիալիզը պահանջում է հակակոագուլյանտների օգտագործում, որոնք ներմուծվում են կաթետերի մեջ` արյան մակարդուկների առաջացումը կանխարգելելու համար: Սովորաբար, այդպիսի հակակոագուլյանտ-նյութը, որն օգնում է դիալիզ անցկացնել, հեպարինն է: Անցկացված հետազոտություններում հեպարինի փոխարեն օգտագործել են նԺՁԸ դետերգենտներից և մոնոցիկլին հակաբիոտիկներից խառնուրդ, որը կիրառվում է ակնեի բուժման համար և չի օգտագործվում մանրէային լուրջ ինֆեկցիաների դեպքում:

Փորձարկումների ընթացքում վերլուծվել են մանրէային ինֆեկցիայի կանխման արդյունքները հեմոդիալիզ ընդունող հիվանդների մոտ: Պացիենտների առաջին խումբը հեմոդիալիզ է ընդունել հեպարինով, երկրորդը` դետերգենտի և հակաբիոտիկի խառնուրդով: Արդյունքում սահմանվել է, որ փորձարարության 90 օրերի ընթացքում արյան մակարդուկների առաջացման կանխման արդյունավետությունը երկու խմբի պացիենտների մոտ միանման է եղել: Սակայն հեպարինի փոխարեն հակաբիոտիկ ստացող խմբի հիվանդները հեմոդիալիզից հետո մոտ չորս անգամ քիչ են հիվանդացել մանրէային ինֆեկցիաներով:

Հարցեր, պատասխաններ, մեկնաբանություններ